gÖNGULEIÐIR Á HENGILSSVÆÐINU

Upphaf gönguleiða á Hengilssvæðinu eru á átta stöðum. Á þessum átta stöðum eru bílastæði þar sem upplagt er að hefja gönguleiðina en merktir stígar hefjast eða liggja við þessi bílastæði. Við bílastæðin eru gönguleiðakort af Hengilssvæðinu um hvert viðkomandi göngustígur liggur, vegalengdir ásamt hagnýtum upplýsingum/fróðleik um svæðið. Árið 1998 var búið að merkja um 140 km af áhugaverðum og miserfiðum gönguleiðum. Hérna mun ég lista niður upphaf gönguleiða á Hengilssvæðinu og reyna skýra út hvers megi vænta á gönguleiðinni ásamt nokkrum vel völdum myndum á leiðinni.                                                              

1. Sleggjubeinsdalur skammt frá skíðaskála Víkings (7 myndir) 

2. Rjúpnabrekkur inn af Hveragerði, gönguleið um Reykjadal (6 myndir)  

3. Úlfljótsvatn gengt skátaskálanum  (4 myndir)

4. Ölfusvatn, við brú yfir Ölfusvatnsá  (4 myndir)

5. Nesjavellir gengt Nesbúð   (6 myndir)

6. Kýrdalsbrúnir ofan við Nesjavelli   (4 myndir)

7. Botnadalur í Dyrafjöllum    (6 myndir)

8. Dyradalur í Dyrafjöllum    (4 myndir)

Á ferð um hengilssvæðið; sérstakt landslag

Á ferð minni um svæðið hef ég tekið fjölda mynda af landslagi, gróðurfari og náttúrufyrirbærum. Myndir þessar hef ég tekið á ferð minni um merktar sem og ómerktar gönguleiðir. Fyrir þá sem eru ekki með hraðvirka nettengingu þá getur það tekið dálítinn tíma fyrir síðurnar að hlaðast inn, sérstaklega ef margar myndir eru á síðunni.

Vörðu Skeggi Hæðsti tindur Hengilssvæðisins, 805 m. ( 4 myndir)

Innstidalur Miðdalur, Fremstidalur (Hengladalir) ( 7 myndir)

Skálar á Hengilssvæðinu  Ferðamanna og einkaskálar, myndir - upplýsingar - GPS hnit.

Hellisheiðarvirkjun Ný virkjun og virkjanaframkvæmdir á Hengilssvæðinu ( 3 myndir)

Svínahraun Gönguleið að Húsmúlarétt, Draugatjörn og sæluhúsatóftinni undir Húsmúla ( 9 myndir)

Engidalur og Marardalur  Tveir dalir vestan meginn við Hengilinn ( kemur seinna)

vegvísar og vegstikur

Búið er að leggja vegstikur vítt og breitt um Hengilssvæðið og er ráðgert að fylgja þeim þegar gengið er um svæðið. Vegstikurnar eru málaðar á fjóra mismunandi vegu. Liturinn segir til um erfiðleika göngunnar og hvort vænta megi einhverja frekari upplýsinga á leiðinni.  Einnig eru vegvísar víða á krossgötum þar sem gönguleiðir skerast. Á þeim eru upplýsingar um vegalengdir sem liggja til næstu áningastaða. Vegvísar og vegstikur  

Orkuveita Reykjavíkur, í samvinnu við Landmótun ehf, hefur verið útgefandi af gönguleiðakorti fyrir Hengilssvæðið. Sýnir það allar leiðir sem stikaðar eru ásamt helstu upplýsingum um vegalengdir, hvers sé að vænta á gönguleiðinni og upplýsingar um menningar og söguminjar á svæðinu. Einnig eru stuttar hnitmiðaðar upplýsingar um gróðurfar, jarðfræði og dýralíf á svæðinu.

Hér er linkur á heimasíðu Orkuveitunnar sem hefur að geyma kort af gönguleiðunum "Orkuveita kort". Hægt er að versla gönguleiðakort af Hengilssvæðinu í helstu bóka og ferðamannaverslunum Sjá kort. 

GÖNGUSKÁLAR 

Á Hengilssvæðinu eru tveir gönguskálar, sæluhús, sem eru opnir öllum, allt árið í kring. Þeim er ætlað að sinna öryggishlutverki fyrir göngufólk. Annar er í mynni Engidals austast á Mosfellsheiði hinn er við Dalskarðhnjúk innst í Reykjadal.  Sjá einnig síðu um Skálar á Hengilssvæðinu.

ÖRYGGISATRIÐI VEGNA FERÐALAGA Á HENGILSSVÆÐINU

• Eins og fram hefur komið að fjöldi gönguleiða eru vel merktar og ráðlegg ég göngufölki að fara eftir merktum leiðum. Það er öruggast og einnig orkusparandi. Merktu leiðirnar eru slóðar sem búið er að ganga í tugi ára, þær koma ykkur öruggast og fljótast á leiðarenda.

• Hafa ber í huga að veður á Hengilssvæðinu getur breyst á skömmum tíma. Ráðlagt er að fylgjast með veðurspá og láta einhvern vita af ferðum sínum. Fólk sem ferðast um Hengilssvæðið er á eigin ábyrgð.

• Þá er einnig vissara að vara sig á hverunum á Hengilssvæðinu. Hengilssvæðið er háhitasvæði og hiti vatns og hvera getur verið breytilegt. Ekki hafa verið gerðar neinar sérstakar öryggisráðstafanir í kringum hverina þannig að fólk verður að gæta sín.

• Ég er sammála göngumanni einum þar sem gæti þurft að verja hverina fyrir ágangi í náinni framtíð. Gaman væri að fá viðbrögð frá fólki um hvort síða þessi hafi komið að einhverju gagni eða hafi einhverjar frekari upplýsingar um einhver atriði.

• Hægt er að skrá ábendingar í gestabókina.

• Orkuveita Reykjavíkur, í samvinnu við Landmótun ehf, hefur verið útgefandi af gönguleiðakorti fyrir Hengilssvæðið. Sýnir það allar leiðir sem eru stikaðar ásamt helstu upplýsingum um vegalengdir, hvers sé að vænta á gönguleiðinni og upplýsingar um menningar og söguminjar á svæðinu. Einnig eru stuttar hnitmiðaðar upplýsingar um gróðurfar, jarðfræði og dýralíf á svæðinu. Sjá kort. Kort þetta er komið í sölu í helstu bóka og ferðamannaverslunum.

GPS HNIT Á HENGILSSVÆÐINU, SAMANTEKT

Samantekt á gps hnitum. Staðir, skálar, vegvísar, mannvirki og fleira. Sjá hér. (er í vinnslu)