Skálar á Hengilssvæðinu

SKÁLAR Á HENGILSSVÆÐINU;

Hér hef ég sett inn upplýsingar um nokkra skála sem eru á Hengilssvæðinu, sem fyrr er ekki að finna tæmandi lista eða upplýsingar. En vonandi með tímanum að upplýsingar og myndir eigi til að bætast við þegar og ef ég get aflað þeirra.

Skálinn Dalasel, skáli í eigu Orkuveitu Reykjavíkur.

En hann er Innst í Reykjadal, við Dalskarðhnjúk. Þessi skáli er opinn allann ársins hring fyrir alla, göngu og ferðafólk, endurgjaldslaust.

Í skálanum eru kojur, dýnur, borð og stólar. Teppi til að nota í neyð. Gestabók er í skálanum sem ferðalangar geta skráð í.

Ferðalangar sem nýta skála þessa eru beðnir að ganga vel um.

ATH. Skálinn brann þann 20. júní 2009 og er ónothæfur.

Gps hnit, ekki vitað.

Skálinn Múlasel, skáli í eigu Orkuveitu Reykjavíkur.

Múlasel er í Engidal, á gönguleið milli Sleggjubeinsdal og Dyradal.

Múlasel, eins og skálinn Dalasel er opinn endurgjaldslaust allann ársins hring fyrir ferðalanga.

Í skálanum eru kojur og dýnur fyrir allt að 6 manns. Borð og stólar, teppi til að nota í neyð. Gestabók er í skálanum sem ferðalangar geta skráð í. Ferðalangar sem nýta skála þessa eru beðnir að ganga vel um.

Dalasel og Múlasel er ætlað að sinna öryggishlutverki fyrir göngufólk, en einnig sem áningarstaður fyrir ferðalanga.

Gps hnit Múlasel; 64° 04.878 N - 21° 22.114 V

Múlasel séð að innan.

Skammt frá Úlfljótsvatni er skáli í eigu starfsmannafélags Reykjavíkurborgar. Er þetta stór og veglegur skáli með öllum helstu þægindum. Sjá nánar á heimasíðu Starfsmannafélags Reykjavíkurborgar.

Gps hnit skálans : 64° 05.138 N - 21° 02.533 V

Skáli í Innstadal. Skammt frá baðhvernum í Innstadal. Þessi skáli er í einkaeigu og því ekki opinn göngufólki eða ferðamönnum.

Sjá einnig síðu um göngferðir í Innstadal.

Gps hnit skálans: N 64° 04.106 - W 21° 19.605.

Skíðaskáli Víkings í Sleggjubeinsdal.

Skíðaskálinn brann árið 1964 og var því annar reistur og var vígður 29. febrúar 1976.

Heimasíða Víkings.

Gps hnit: N 64° 03.021 - W 21° 22.340.

Glaumbær Skátaskáli. Staðsettur við Sleggjubeinsskarð.

Mynd lánuð af heimasíðunni scout.is.

Nánari upplýsingar www.scout.is.

Gps hnit, ekki vitað.

Þrymur (Þrymheimur - Skátaskáli á Hellisheiði). Staðsettur suð-austan meginn Skarðsmýrarfjalli. Þrymur er í eigu Landnema og SSL. Þrymur var byggður árið 1943 af RS. sveitinni Jukkurum. Hann er nú í eigu Skátafélagsins Landnema í Reykjavík.

Dróttskátasveitin Plútó sér um reksturinn á skálanum, en skáli þessi er mikið notaður.

Hægt er að fá nánari upplýsingar um skálann og leigu á honum á heimsíðu skátafélagsins skatinn.is.

Gps hnit skálans: N 64° 02.800 - W 21° 19.130.

Skálinn Kútur sem er í eigu Skátafélagsins Skjöldunga í Reykjavík. Kútur var byggður árið 1955, og er hann staðsettur suð-austan meginn við Skarðsmýrarfjall. Jeppavegur liggur að skálanum.

Nánari upplýsingar um skálann má finna á heimasíðu Skátanna.

Hef ekki gps hnit skálans.

Þetta er skálinn Bæli, staðsettur suð-austan meginn við Skarðsmýrarfjall. Hann er í eigu skátafélagsins Seguls í Breiðholti.

Bæli var reistur í kringum 1950 af gömlum skátaflokkum, Bæli er nú opinn mönnum og músum. Sem sagt hann er ekki í notkun um þessar mundir og ekki er hægt að segja til um hvað verður gert í framtíðinni við þennan skála.

Hef ekki gps hnit þessa skála.

Gamalt útihús eða geymsla við skálann Bæli. Einnig opið mönnum og músum.

Ljósmyndir AÞE og einnig myndir lánaðar af síðunni scout.is; febrúar 2005