Eins og frá var sagt í síðasta fréttabréfi hefur nú verið stofnaður póstlisti fyrir félagið og er honum ætlað að flytja félögum (og öðrum sem áhuga kynnu að hafa) fréttir og tilkynningar frá félaginu á fljótan og skilvirkan hátt. Póstlisti þessi verður væntanlega sk. "low-volume" listi, þ.a. félagar þurfa hvorki að hafa áhyggjur af miklu magni né hárri tíðni pósts. Lítizt mönnum engu að síður strax illa á, fylgja hér leiðbeiningar um hvernig skrá megi sig af listanum.

SKRÁNING - AFSKRÁNING

Til að skrá sig á listann eða af honum skal senda póst til
majordomo@majordomo.skima.is

Ætli fólk að skrá sig á listann skal setja í megintexta (body):
subscribe biopost netfang@netþjónn.is (t.d. opo@hi.is) Ekkert þarf að vera í efni (subject) og það á ekkert meira að vera í body t.d. ekki undirskrift sem sumir eru með sjálfvirka. Hafi allt gengið að óskum kemur staðfesting til baka.
Vilji fólk hins vegar hætta eða taka sér frí frá listanum skal setja í megintexta:
unsubscribe biopost netfang@netþjónn
og ætti þá viðkomandi að vera laus allra mála.
Komi upp einhver vandkvæði eða vakni einhverjar spurningar er ekkert sjálfsagðara en að senda félaginu póst (biologia@centrum.is) svo að leysa megi úr þeim.

Póstlistanum er m.a. ætlað að minna á dagskrá félagsins. Hverjum hefur t.d. ekki orðið á að gleyma fyrirlestri sem hann/hún hafði hugsað sér að mæta á?