Forsíða

fæðingardagur 13.06.1994

Reykjadals Snögg

HD FRI - Augu FRI

Reykjadals Snögg ISO3130/94 var gulkolótt með snöggan feld.  Hún var kröftug og vel byggð tík.  Hún var sýnd á nokkrum sýningum og fékk alltaf 1.einkunn, hún var með heilbrigðar mjaðmir HD-FRI og heilbrigð augu.
Snögg átti 11 afkvæmi úr þremur gotum.  Fyrsta gotið átti hún með Sunnusteins Mugg ISO3414/95.  Úr því goti komu 4 rakkar, Krapi, Thor, Brokkur og Móri sem ég hélt eftir.
Annað gotið átti hún með Sindra Snæúlfi ISO4663/97.  Úr því goti komu 3 hvolpar, Smali, Staka Sól og Saga sem ég hélt eftir.
Þriðja gotið átti hún einnig með Sindra Snæúlfi ISO4663/97.  Úr því goti komu 4 hvolpar, Fóa Feikirófa, Sámur, Tinni og Korpur sem ég hélt eftir.

Snögg var kröftug og dugleg tík.  Líkt og móðir hennar var hún dugleg í leit að hreiðrum vissrar fuglategundar, en hún var eins og nafnið bendir til ákaflega snögg og mátti ekki vera að því að bíða eftir því að ég kæmi til þess að taka eggið úr hreiðrinu heldur færði mér eggin hvert á fætur öðru úr mörgum hreiðrum.  Aldrei braut hún eggin heldur færði mér þau alveg heil.

Snögg var góð móðir og fædd til þess að ala af sér afkvæmi.  Reyndar var hún góð við allt ungviði hvort sem það voru börn, kálfar eða lömb.   

Reykjadals Snögg var fædd 13 júní 1994 og dó 21 október 2006.