Aðgerðaáætlun friðarhreyfingarinnar

Birtist á fridur.is 1. júlí 2003

uppfært 30. júlí

Þau samtök og hreyfingar sem beittu sér í vetur gegn innrásinni í Írak hafa nú í vor haldið fundi og ráðstefnur um framhald baráttunnar. Samstaða hefur skapast um ýmis tilefni til aðgerða á næstu mánuðum. Hér skal tíundað það helsta:

30. ágúst: Annað friðarþing alþýðunnar í London.

http://www.stopwar.org.uk/index.asp

27. september: Alþjóðlegur baráttudagur gegn stríði og heimsvaldastefnu og fyrir samstöðu með þjóðum Palestínu, Íraks og öðrum þeim sem búa við hernám, kúgun og hótanir heimsvaldasinna. Á ráðstefnu í Berlín 25. apríl kom til tals að efna til alþjóðlegs baráttudags í haust og var dagsetningin 27. september þá nefnd. Ástæðan fyrir þessari dagsetningu er að þennan dag árið 2000 hófst seinni Intifadan sem svo hefur verið kölluð, þ.e. uppreisn Palestínumanna, en þá er einnig ár liðið frá fjölmennum mótmælagöngum í Róm, Kaíró og víðar. Einnig voru ræddir dagarnir 9. til13. september meðan ráðherrafundur Alþjóðaviðskiptastofnunarinnar verður í Cancún í Mexíkó, en á ráðstefnum friðarhreyfingarinnar í vor var almennt lögð áhersla á tengsl vaxandi hernaðarhyggju og hinnar kapítalísku hnattvæðingar. Það varð úr að stefnt yrði að alþjóðlegum baráttudegi 27. september. Bandarísku samtökin International A.N.S.W.E.R. tóku þessa dagsetningu upp á ráðstefnu sinni í 17.-18. maí og ráðstefnur friðarhreyfingarinnar í Japan 24.-25 maí og í Genf 31. maí tóku undir þessa hugmynd. Nú þegar hafa m.a. danska hreyfingin Nej til Krig og breska hreyfingin Stop the War Coalition hafið undirbúning. Sjá

http://www.internationalanswer.org/news/update/052103m17rpt.html

http://www.nejtilkrig.dk/

http://www.stopwar.org.uk/article.asp?id=260503

Í þessu samhengi er vert að minna á alþjóðlegu mannréttindagönguna sem áætluð er dagana 4.-25. september frá Tel Aviv til Jerúsalem. Sjá

http://humanrightsmarch.org/

Á ráðstefnunni í Genf var litið til september sem upphaf nýrrar aðgerðalotu friðarhreyfingarinnar. Gert er ráð fyrir að hreyfingin verði sýnileg við ýmisleg tilefni svo sem:

13. september: Aðgerðir vegna ráðherrafundar Alþjóðaviðskiptastofnunarinnar (WTO) í Cancún í Mexíkó. Í yfirlýsingu frá ráðstefnu sem var haldin í Mexíkóborg í maí, Hemispheric and Global Assembly against the FTAA and the WTO, og birt hefur verið á ýmsum vefsíðum (svo sem www.asc-hsa.org, www.corpwatchindia.org og http://www.focusweb.org) er gert ráð fyrir alþýðuráðstefnu 9.-14. september, alþjóðlegum baráttudegi gegn WTO 9. september og miklum mótmælaaðgerðum gegn hnattvæðingu og stríði 13. september. Friðarhreyfingin virðist líta til 13. september sem alþjóðlegs baráttudags enda er sá dagur laugardagur og áætlað að aðgerðir þann dag beinist að hluta gegn stríði. Sjá

http://chiapas.mediosindependientes.org/display.php3?article_id=105234

http://espora.org/cancun03/index.pl?InformaciOn

http://mexico.indymedia.org/front.php3?article_id=5673

http://www.internationalanswer.org/news/update/071603calend.html#sep13rep

25.-26. október: Önnur Kaíró-ráðstefnan gegn árásarstefnu Bandaríkjanna

http://www.stopwar.org.uk/article.asp?id=250603

12.-15. nóvember: Önnur ráðstefna evrópskra alþýðuhreyfinga (European Social Forum – ESF) í París. Hér er ekki endilega verið að tala um alþjóðlegar mótmælaaðgerðir heldur er ætlunin að hafa ráðstefnu friðarhreyfinganna sem einn dagskrárlið þar. Vert er að minnast þess að það var á fyrstu ráðstefnu ESF í Flórens 9. nóvember 2002 sem hundruð þúsunda tóku þátt í mótmælagöngu gegn stríðsáformum. Sjá

http://www.fse-esf.org/rubrique.php3?id_rubrique=1

16.-21. janúar 2004: Fjórða heimsráðstefna alþýðuhreyfinganna (World Social Forum) á Indlandi. Eins og í París er gert ráð fyrir að fundur friðarhreyfinganna verði meðal annarra funda. Samskonar fundir verða væntanlega á öðrum svæðisbundnum ráðstefnum alþýðuhreyfinganna. Sjá

http://www.forumsocialmundial.org.br/home.asp

Alþjóðlegur dagur gegn bandarískum herstöðvum: Á Jakarta-ráðstefnunni var lagt til að einhvern tíma á fyrri hluta ársins 2004 verði alþjóðlegur baráttudagur gegn bandarískum herstöðvum. Lagt var til að Friðarbandalag Asíu (Asian Peace Alliance) hafi frumkvæði að undirbúningi.

Heimurinn hafnar Bush: Á Jakarta-ráðstefnunni var lagt til að hafin verði herferð undir kjörorðinu Heimurinn hafnar Bush sem muni ná hámarki í september 2004 þegar Repúblikanaflokkurinn heldur landsfund sinn í New York.

Aðgerðir í Bandaríkjunum

4. júlí: Bandaríska hreyfingin er einnig með áform um ýmsar sérstakar aðgerðir heima fyrir. Það sem hæst ber eru fyrirhugaðar aðgerðir í Fíladelfíu á þjóðhátíðardegi Bandaríkjanna 4. júlí. Þá stendur til að opna einhverskonar stofnun, The National Constitution Center, og forsetinn verður á staðnum. Hátt á annað hundrað samtaka í Bandaríkjunum standa að þessum aðgerðum. Jafnframt hvatti ráðstefnan í Jakarta í maí til þess að bandarískar vörur verði sniðgegnar þennan dag. Sjá

http://www.justiceinjuly.org

26.-27. júlí: Komum í veg fyrir annað Kóreu-stríð! 27. júlí verða 50 ár liðin frá því að gert var vopnahlé í Kóreu-stríðinu. Þetta vopnahlé stendur enn og stríði Bandaríkjanna við N-Kóreu hefur aldrei lokið formlega. Gert er ráð fyrir alþjóðlegum fundi í Washington 26.-27. júlí og mótmælaaðgerðum við Hvíta húsið 27. júlí. Sjá

http://www.unitedforpeace.org

http://www.nodutdol.com/mission/index.php

25. október: Alþjóðleg ganga til Pentagon undir kjörorðinu Heimurinn sameinast gegn bandarískri hernaðarhyggju. Þessi dagur er m.a. valinn vegna þess að þá eru tvö ár liðin síðan föðurlandslögin svokölluðu voru sett í kjölfar hryðjuverkanna 11. september. Sjá

http://www.internationalanswer.org/campaigns/o25/index.html

19.-21. nóvember: Mótmælaaðgerðir í Miami í tilefni af ráðherrafundi FTAA (Free Trade Area of the Americas). Aðgerðir þessa daga eru bæði á áætlun International A.N.S.W.E.R. og United for Peace and Justice.

22.-23. nóvember: Árlegar mótmælaaðgerðir gegn School of Americas, herskólanum í Ft. Benning, þar sem helstu stríðsglæpamenn Rómönsku Ameríku hafa m.a. verið þjálfaðir.

Sumarið 2004: Þá munu stóru flokkarnir tveir halda landsfundi sína, Demókrataflokkurinn í Boston í júlí og Repúblikanaflokkurinn í New York í september. Nú þegar eru helstu friðahreyfingar Bandaríkjanna farnar að huga að aðgerðum í sambandi við þessa fundi.