Einar Ólafsson
Trönuhjalla
13, 200 Kópavogur, s. 564 2856
Fæddur í
Reykjavík 11. september 1949.
Foreldrar: Ólafur
Þorsteinsson (1916-1991) og Guðbjörg
Einarsdóttir (fædd 1921). Faðir
Ég á einn bróður, Þorstein
Ólafsson dýralækni, fæddur 1947, en systir mín, Sigrún Ólafsdóttir,
fædd 1953, lést 1970.
Ég ólst upp í Reykjavík en
dvaldist öll bernsku- og æskusumur að Lækjarbrekku í
Gnúpverjahreppi hjá afa mínum og ömmu og móðursystkinum.
Grunnskólanám stundaði ég í
Breiðagerðisskóla og Réttarholtsskóla, fór að loknu
landsprófi í Menntaskólann í Reykjavík og lauk stúdentsprófi þaðan vorið 1969.
Stundaði síðan nám í
Háskóla Íslands, einkum í sagnfræði en einnig í íslensku og
heimspeki. Var við nám í almennri bókmenntafræði í Háskólanum
í Osló 1976-1979.
Skrifaði svo loks eftir dúk
og disk BA-ritgerð í sögu við Háskóla Íslands og
fjallaði ritgerðin
um stjórnmál í
Ég hef lengst af starfað við Borgarbókasafn
Reykjavíkur, fyrst líklega 1975, en með mislöngum hléum. Kenndi við
Menntaskólann á Egilsstöðum 1980-1982 en bjó í Noregi aftur 1988-1991 þar sem ég vann við ritstörf, verkamannavinnu og síðan á
skóladagheimilum og unglingaklúbbum.
Eftir að ég hóf störf enn
einu sinni á Borgarbókasafninu árið 1991 var ég kosinn trúnaðarmaður og þar með
í fulltrúaráð Starfsmannafélags Reykjavíkur
og hef gengt ýmsum störfum fyrir það og BSRB,
m.a. verið í samninganefnd og var um skeið í stjórn BSRB.
Ég hef verið virkur í ýmsu
pólitísku starfi, starfaði í Fylkingunni frá því um 1970 og
fram á 9. áratuginn, var stofnfélagi í Vinstrihreyfingunni - grænu framboði og um skeið
formaður Vinstri grænna í Kópavogi og var um árabil í miðnefnd Samtaka herstöðvaandstæðinga en hef undanfarin
ár haft umsjónmeð Friðarvefnum, fridur.is.
Þá tók ég m.a. þátt í andstöðunni gegn Víetnamstríðinu, samstöðustarfi varðandi
frelsisbaráttu í Mið-Ameríku á árunum kringum 1980 og annarri baráttu gegn
yfirgangi kapítalista, heimsvaldasinna og síonista/fasista/nasista/rasista og
meðan ég var í Noregi tók ég þátt í starfi norskra trotskíista, fyrst
Oktobergruppa og síðan
Arbeidermaktgruppa
(AMG) sem síðar gekk inn í Rød Valgallianse
(sjá um það hér)
og átti enn síðar aðild að Forbundet
Internasjonalen.
Ég hef verið félagi í Rithöfundasambandi Íslands frá stofnun þess og sinnt lítilsháttar trúnaðarstörfum fyrir það.
Ég fór að yrkja ljóð ungur
að árum og hef gefið út nokkrar ljóðabækur:
Litla stúlkan og brúðuleikhúsið, 1971
Ljóð, 1971
Öll réttindi áskilin, 1972
Drepa drepa... (eftir Einar og Dag), 1974
Augu við gangstétt, 1983
Sólarbásúnan, 1986
Mánadúfur, 1995
Þetta er ljóðabækurnar en
auk þess hef ég tekið ég saman eina ævisögu:
Brynjólfur Bjarnason,
pólitísk ævisaga,
1989
Auk íslensku, sem ég þykist kunna þokkalega, ræð ég einna best við norsku,
þótt ég sé stautfær á nokkur önnur tungumál. Ég hef þýtt úr
norsku tvær bækur: Elling. Með paradís í sjónmáli (Utsikt til paradiset)
og Elling. Fugladansinn (Fugledansen) eftir Ingvar Ambjørnsen.
Tvær af ljóðabokunum, Ljóð og Mánadúfur, ásamt nýrri
óprentuðum ljóðum og nokkrum þýðingum á norsku og sænsku eru aðgengilegar á
þessum vef og einnig eru aðgengilegar ýmiskonar greinar sem ég hef skrifað og
smásögur sem ég hef ekki hirt um að gefa út nema fáeinar sem hafa birst í
tímaritum.
Ég hef skrifað greinar um bókmenntir, stjórnmál og fleira og eru þær sem
eru á rafrænu formi hér á þessum vef.
Upplýsingar um prentað efni er að finna í Gegni, en ég vil
sérstaklega geta tveggja greina:
Någonstans i all denna
sten hör jag hemma,
grein um ljóðagerð Íslandi svona ca. 1965 til 1980 sem
birtist árið 1984 í metnaðarfullu hefti nr. 22/23 tímaritsins
Café Existens í ritstjórn Anders Weidar.
Lyrikken
etter nåtiden, sem er fyrirlestur um ljóðagerð á Íslandi ca. 1980-1989 og
forsendur hennar ef svo má segja, sem ég hélt á ráðstefnu norrænna
móðurmálskennara í Noregi árið 1989 og var prentuð í Språk og litteratur i
Norden 1980-1990.
Þá má geta þess að ég tók
þátt í gerð kvikmyndar Rósku og Manrico Pavolettoni, Sóley, 1979 til
1980 held ég það hafi verið, og var aðallega til aðstoðar við handritsgerð en
aðstoðaði einnig við klippingu myndarinnar í Róm. Þá hóf ég árið 1975 útgáfu
tímaritsins Lystræningjans og ritstýrði fyrstu
blöðunum.
Þetta er nú líklega það
helsta sem af mér er að segja fyrir utan það sem mestu
máli skiptir:
Ég á þrjú börn:
Hjörtur er elstur, fæddur 1976, móðir hans
er Sigrún
Hjartardóttir sérkennari. Hann nam mállvísindi í Reykjavík og
Með eiginkonu minni, Guðbjörgu Sveinsdóttur, á ég tvö börn:
Védís er fædd 1983, býr í
Kaupmannahöfn með unnusta sínum Mikael Hansen.
Sveinn Rúnar er fæddur 1986, býr í Kópavogi