Einar Ólafsson

Lækkun skatta kallar á hærri launakröfur

Birtist í Fréttablaðinu 28. febrúar 2004

Ríkisstjórnin hefur boðað lög um skattalækkanir þegar að loknum yfirstandandi kjarasamningum. „Ef samningar takast á næstu dögum eða vikum þá er komið að ríkisstjórninni að skila sínu í þeim efnum,“ er haft eftir fjármálaráðherra í Fréttablaðinu 24. febrúar. Þannig virðist fjármálaráðherra setja þetta sem innlegg í þessar samningaviðræður í þeirri von að verkalýðshreyfingin líti á það sem kjarabót og sætti sig þar með við hóflegar launahækkanir.

Það er hins vegar ákaflega hæpið að líta á skattalækkanir sem kjarabætur. Megintilgangurinn með sköttum er að standa undir kostnaði við velferðarkerfið, heilbrigðiskerfið, skólakerfið o.s.frv. Ef þessi kostnaður er ekki greiddur gegnum skattana þarf að greiða hann einhvern veginn öðru vísi. Gjaldtaka í heilbrigðiskerfinu er þegar hafin. Og tal um skólagjöld verður æ háværara. Annar megintilgangur skattkerfisins er jöfnun lífskjara. Þess vegna eru borgaðir hærri skattar af háum launum en lágum. Þannig eru kostnaður lágtekjufólks vegna heilbrigðisþjónustu, skólagöngu o.þ.h. niðurgreiddur. Með skattalækkunum er dregið úr þessari niðurgreiðslu. Þær valda sem sagt auknum útgjöldum hjá láglaunafólki. Þess vegna verður verkalýðshreyfingin að bregðast við boðuðum skattalækkunum með hærri launakröfum til handa láglaunahópunum.

Sjá aðrar greinar um skattamál:

Ögmundur Jónasson: Skattastefna VG er ávísun á kjarabætur

http://www.ogmundur.is/news.asp?ID=654&type=one&news_id=1132

Atli Gíslason: Skattastefna ríkisstjórnarinnar - umhyggja fyrir auðmönnum

http://vg.is/postur/?t=obj&oid=357

Steingrímur J. Sigfússon: Velferð eða skattalækkanir?

http://www.vg.is/kate.php?fmPageID=10&fmExpandTo=00.03.01&fmObjEpistlesAction=GetEpistle&fmObjEpistlesID=230&PHPSESSID=3c53230fcfb06a422b0abde03c5f7306

Einar Árnason og Ólafur Ólafsson: Skattalækkun, fyrir hverja?

http://www.feb.is/htm/hagsmunamal/hagfraedi/skattlaekun.htm

Einar Árnason og Ólafur Ólafsson: Óþolandi útúrsnúningar stjórnvalda

http://www.feb.is/htm/hagsmunamal/hagfraedi/otholandi.htm