Starfsemi Kirkjunnar

TTT (Tíu til Tólf)

Í vetur verður starf fyrir tíu til tólf ára börn í Vonarhöfn í safnaðarheimilinu á þriðjudögum frá kl. 17:00-18:30. Starfið
verður með svipuðu sniði og í fyrra; leikið, sungið, föndrað, biblíuverkefni unnin, haldin pizzuveisla og pylsukvöld og
endað með helgistund í kapellunni Stafni. Fyrsta samveran í haust var þriðjudaginn 16. september.

ÁTN (Átta til Níu)

Starf fyrir átta til níu ára börn verður í Vonarhöfn í vetur og fer fram á fimmtudögum frá kl. 17:00-18:30. Var boðið upp á
starf fyrir þennan aldurshóp í fyrsta sinn hjá okkur í fyrravetur og var aðsókn góð. Eins og í TTT starfinu verður ýmislegt
gert til fróðleiks og skemmtunar. Fyrsta samveran í haust var fimmtudaginn 18. september. Séra Þórhildur Ólafs stýrir
barnastarfinu og hefur sér til aðstoðar gítarista og fjórar stúlkur á unglingsaldri.

Fermingarbörn

Fermingarstarf hefst um líkt leyti og skólastarf fer í gang. Ungmenni fædd árið 1984 sækja fræðslustundir í vetur sem fara
fram á mánudögum og þriðjudögum. Munu allir prestarnir sinna starfinu í áföngum samkvæmt nýju skipulagi. Sem fyrr
munu fermingarbörn taka virkan þátt í Guðsþjónustum mánaðarlega, sýna helgileiki og lesa ritningarorð og bænir. Verður
öllum fermingarbörnum boðið að taka þátt í æskulýðsfélagi kirkjunnar og tengjast sameiginlegu æskulýðsstarfi
höfuðborgarsvæðisins og í Gullbringu og Kjósasýslu.

Æskulýðsstarfið

Á komandi hausti verður boðið upp á mikið æskulýðsstarf. Tvö félög verða starfandi, eitt ætlað fermingarbörnum en
annað fyrir 14-15 ára unglinga. ,,Femingarfélagið" starfar með hefðbundnum hætti í vetur og verður það kynnt þegar
fermingarstarfið hefst. Félagar í eldri hópnum munu m.a. undirbúa sig fyrir ferðalag sem farið verður til Svíþjóðar á
komandi vori og safna í ferðasjóð. Þar verða heimsóttir unglingar í æskulýðsstarfi kirkjunnar í Gryta pastorat sem er
söfnuður rétt norðan við Uppsali. Fólk frá þessum söfnuði var hér í sumar í safnaðarferð undir leiðsögn séra Þórhalls
Heimissonar en hann var áður prestur í þeim bæ.

Sunnudagsskólar

Í vetur eru starfræktir sunnudagaskólar í Hafnarfjarðarkirkju, Hvaleyrarskóla og Setbergsskóla og hófust þeir
samtímis 21. september kl. 11:00.

Sunnudagaskóli í Hafnarfjarðarkirkju í tengslum við guðsþjónustur

Sunnudagaskólinn í Hafnarfjarðarkirkju er á sunnudögum kl. 11:00. Séra Þórhildur Ólafs stýrir starfsemi hans og
mæta börnin til messu með foreldrum sínum en færa sig síðan inn í safnaðarheimilið á meðan fullorðna fólkið hlýðir á
messu. Það er tilvalið fyrir foreldra að koma með börnum sínum í kirkju og styrkja trú sína og fjölskyldubönd.

Sunnudagaskóli í Hvaleyrarskóla

Aftur er haldinn sunnudagaskóli í Hvaleyrarskóla sem var á liðnum vetri. Var honum þá vel tekið og væntum við þess að
svo verði enn á ný. Starfið er í umsjón séra Þórhalls Heimissonar og Báru Friðriksdóttur.

Sunnudagaskóli í Setbergsskóla

Í vetur er rekinn sunnudagaskóli í Setbergsskóla sem byggir á reynslunni af starfinu í Hvaleyrarskóla. Er það gert
í náinni samvinnu við skólayfirvöld og kennarar aðstoða við starfið.
Umsjón með starfinu hefur séra Þórhallur Heimisson og Örn Arnarson.

Barnakórinn

Starfsemi barnakórsins hófst í september og Hrönn Helgadóttir stjórnar honum líkt og síðasta vetur. Þau börn sem
áhuga hafa á að syngja með barnakórnum geta leitað sér upplýsinga hjá kirkjuþjónum í síma 555 1295 eða mætt á æfingu
hjá kórnum.