Hún er með ótrúlega blettatígurslegt munstur.  Doppur og rósettur liggja lárétt og skástætt alveg eins og á forföður bengalana.  Auk þess eru ljósu hárin glitrandi í endana, með glittergenið.  Freyja er blíð en ákveðin stelpa og lætur ekki hvern sem er halda á sér.  Hún hefur ekki enn náð að gefa af sér kettlinga, því miður.

Xenia ber snjógenið frá pabba sínum og gen fyrir marmaramunstri frá mömmu sinni.  Hún er þriðja kynslóð frá villta forföður sínum Taro of Bundas.  Xenia er sérstaklega ljúf í umgengni, en henni hefur ekki tekist að gefa af sér kettlinga, ekki fyrr en hún var 4 ára, en þá þurfti að taka einn fullvaxta en látinn kettling með keisara.  Við reynum aftur!

Sequel er ein fegursta læða sem ég hef nokkurs sinni átt, tignarleg og stolt stelpa.  Faðir hennar er Taro of Bundas.  Hann er ALC, tilheyrir kattategundinni Felix bengalensis sem er villtur köttur í frumskógum Austur-Asíu.   Taro kom í ræktun til Grace Lush í Kanada úr þýskum dýragarði og hefur gefið af sér margar læður, sem síðan hafa fært hans flotta útlit áfram inn í bengalræktun um allan heim.  Sequel er með sérstaklega fíngerðan feld og skýrt doppumunstur, doppur niður skottið, hvítan maga með svörtum doppum, sem keppst er við að fá fram í bengalnum.  Hún ber einnig gen fyrir marmaramunstri frá móður sinni.  Sequel er komin í frí frá kettlingastandi og lifir góðu lífi hjá mér áfram.

Föður hennar getið þið séð hér: Leopard Cat father Taro.