Upphafssíða Snorri Sigfús Birgisson: Verk fyrir einleikshljóðfæri
Verk fyrir píanó Eos og Selena - 2006 23 íslensk þjóðlög - (2005/2006) Helios (2003) Hymni - (1982/1999) Divertimento í sól - (1998) 7 Portrett - (1997/1998) Píanókonsert - (1996) Jarðardreki - (1988) Píanólög fyrir byrjendur - (1984) Æfingar - (1980/1981) Tokkatína - (1975)	Verk fyrir klarinett Rotundum Verk fyrir selló Dans Verk fyrir flautu Partíta	Verk fyrir gítar Tvær gítarfantasíur
Efst á síðu Verk fyrir píanó 23 íslensk þjóðlög (2005/2006). Þetta eru útsetningar á lögum sem eru varðveitt á segulböndum í Þjóðfræðasafni Stofnunar Árna Magnússonar. Hægt er að hlusta á lögin (einradda og án undirleiks) á netinu (Ísmús). Flestar útsetningarnar eru hugsaðar til flutnings á tónleikum en einnig mætti nota þær sem kennslumúsík. Fyrstu lögin eru mjög létt og ætluð byrjendum en smám saman eru gerðar meiri kröfur og síðustu útsetningarnar eru ætlaðar nokkuð langt komnum nemendum. Höfundur hefur hljóðritað lögin og hafa þau verið gefin út á geisladiski (STB CD001). 23 íslensk þjóðlög - á nótum (pdf) Lögin heita: 1. Kálfur fjósi kúrir í. 2. Stígur hann Lalli. 3. Stígur hún við stokkinn 4. Þau sem það kunna 5. Heyrðu nú hjartans málið mitt 6. Drengurinn minn, minn 7. Reyndist engum leiðin löng 8. Farðu að sofa fyrir mig 9. Þegar ég smáu fræi í fold 10. Húfukvæði 11. Pilturinn og stúlkan 12. Magáll hvarf úr eldhúsi 13. Hann var í gær með hornin löngu 14. Þar fór Björn 15. Gimbillinn mælti 16. Öslaði gnoðin, beljaði boðinn 17. Nú er Ísafoldin frjáls 18. Kvæðið af rangláta riddaranum 19. Skúli fógeti 20. Frísakvæði 21. Ókindarkvæði 22. Gilsbakkaþula 23. Komdu til mín fyrsta kvöldið jóla  ----------------------------------------------------------------------------------------------------------- Eos og Selena Þetta verk var pantað af Íslandsdeild EPTA* fyrir píanókeppni sambandsins 2006. Samkvæmt grískri goðafræði voru Eos og Selena systur. Eos var gyðja morgunroðans og Selena var mánagyðja. Þær voru báðar ástleitnar og frjósamar með afbrigðum. Selena átti 50 dætur með Endymioni og 3 dætur með Seifi. Eos, hin "árrisula rósfingraða morgungyðja", opnaði hlið himins fyrir sólinni. Hún var móðir stjarnanna og vindanna fjögurra. Eos og Selena - allt verkið á nótum (pdf) *Evrópusamband píanókennara ---------------------------------------------------------------------------------------------------------------- Helios Þetta litla píanólag var samið árið 2003 að beiðni Thaliu Mayers og The Associated Board of the Royal Schools of Music í Bretlandi og gefið út í safnritinu Spectrum 4 (2005). Thalia Myers sá um útgáfuna. ---------------------------------------------------------------------------------------------------------------- Æfingar (1980-1981) Höfundur frumflutti verkið á miðnæturtónleikum 21.júní 1981. Verkið er tileinkað Hreini Friðfinnssyni. Kveikju þessa verks er að finna í trompum Tarot-spilanna. Nokkrir kaflar heita sömu nöfnum og tilsvarandi spil,sumir titlarnir eru heimatilbúnir. Verkið er 21 kafli að lengd. Kaflarnir heita:
I II III IV V VI VII VIII IX X XI XII XIII XIV XV XVI XVII XVIII XIX XX XXI	Sjónhverfing Slæða Náttúran Keisarinn Páfinn Krossgötur Lína Línudans Níu Lukkuhjólið Ljónatemjan Sönn ást Dauði sjónhverfingamannsins Engillinn Rökhyggjan Ósigur rökhyggjunnar Vonin Tunglið Gull Trompet Ljósálfur	Upphaf kafla I á nótum Upphaf kafla II á nótum Upphaf kafla III á nótum Upphaf kafla IV á nótum Upphaf kafla V á nótum Upphaf kafla VI á nótum Upphaf kafla VII á nótum Upphaf kafla VIII á nótum Upphaf kafla IX á nótum Upphaf kafla X á nótum Upphaf kafla XI á nótum Upphaf kafla XII á nótum Upphaf kafla XIII á nótum Upphaf kafla XIV á nótum Upphaf kafla XV á nótum Upphaf kafla XVI á nótum Upphaf kafla XVII á nótum Upphaf kafla XVIII á nótum Upphaf kafla XIX á nótum Upphaf kafla XX á nótum Upphaf kafla XXI á nótum
Æfingar fyrir píanó eru til á hljómplötu (LP): ITM - 5-06 Efst á síðu ------------------------------------------------------------------------------------------------------------- Píanólög fyrir byrjendur 25 lög í fjórum heftum. (sjá: Kennslumúsík) ------------------------------------------------------------------
Píanókonsert (sjá: Hljómsveitarverk) -------------------------------------------------------------------------------------------------------------- 7 Portrett. Þessi verk voru samin 1997 og 1998. Sérhvert portrett er sjálfstætt en á vissan hátt standa öll verkin saman og flokkurinn í heild sinni er tileinkaður Jóni Nordal. Höfundur frumflutti Portrett nr. 2 sumarið 1997 (á Menningarnótt í Reykjavík) og Portrett nr. 1 og 3 í Gerðarsafni veturinn eftir en Portrettin í heild sinni voru flutt á Kjarvalsstöðum haustið 1998 þar sem höfundur og Halldór Ásgeirsson myndlistarmaður efndu til samstarfs. Myndverk og performansar Halldórs og píanótónlist Snorra (7 Portrett) áttu samleið í nokkrar vikur í safninu og í tengslum við samstarfið var gefinn út geisladiskur SMK12 þar sem höfundur leikur öll Portrettin á píanó. Geisladiskinum fylgir 40 blaðsíðna Myndabók eftir Halldór. Portrett nr.1: upphaf verksins á nótum Portrett nr.2: upphaf verksins á nótum Portrett nr.3: upphaf verksins á nótum Portrett nr.4: upphaf verksins á nótum Portrett nr.5: upphaf verksins á nótum Portrett nr.6: upphaf verksins á nótum Portrett nr.7: upphaf verksins á nótum Höfundur lét prenta 7 Portrett árið 2001 og er bókinni dreift ókeypis. Þeir sem óska eftir að fá sent eintak af bókinni geta snúið sér til höfundar (heimilisfang, netfang og sími). Efst á síðu -------------------------------------------------------------------------------------------------------------- Divertimento í sól Þetta verk var samið 1998 og er tileinkað Þorkeli Sigurbjörnssyni sem átti sextugsafmæli 16.júlí það ár. Verkið er í 3 stuttum köflum sem allir byggja á lögum úr íslenskum handritum sem varðveitt eru í Þjóðarbókhlöðunni. Kaflarnir eru í 3 mismundandi g-tóntegundum (g = sol (fr.)) og voru samdir á sólríkum dögum í júlí 1998 þannig að nafnið á verkinu kom af sjálfu sér. Verkið er u.þ.b. 6 mínútur að lengd og höfundur frumflutti það í Iðnó í ágúst 1998 á Menningarnótt í Reykjavík. Divertimento í sól - raddskrá (pdf) Efst á síðu -------------------------------------------------------------------------------------------------------------- Hymni Þetta verk var upphaflega samið fyrir strengjasveit (1982). Höfundurinn hefur gert nokkrar útsetningar á verkinu fyrir ýmsa hljóðfærahópa. Þessa útsetningu fyrir píanó gerði hann árið 1999 og frumflutti hana sama ár í Norræna Húsinu. Verkið er í 11 örstuttum köflum sem allir eru í mixólydiskri tóntegund og leiknir mjög hægt. Píanóútgáfan af Hymna er tileinkuð foreldrum tónskáldsins. Hymni fyrir píanó - á nótum (pdf) -------------------------------------------------------------------------------------------------------------- Jarðardreki Þetta verk var samið árið 1988 (á ári jarðardrekans) að beiðni Jónasar Ingimundarsonar píanóleikara sem frumflutti það sama ár á Siglufirði. Verkið sem er tileinkað Jónasi er í einum kafla og tekur u.þ.b. 6 mínútur í flutningi. Jarðardreki - á nótum (pdf) Efst á síðu -------------------------------------------------------------------------------------------------------------- Tokkatína (1975). Verkið er stutt (ca. 4'). Það er tileinkað Snorra Sigfússyni afa tónskáldsins. Höfundur frumflutti verkið í Norræna Húsinu 1976(?). Tokkatína - á nótum (pdf) Efst á síðu ----------------------------------------------------------------------------------------------------------- Verk fyrir klarínett     Rotundum Þetta verk var samið haustið 1978 fram í janúar árið 1979. Það er u.þ.b. 21 mín. að lengd, í einum kafla og er tileinkað Óskari Ingólfssyni klarínettleikara. Óskar frumflutti verkið í Amsterdam vorið 1979. Nafn verksins er fengið að láni hjá alkemistum sem notuðu þetta orð stundum til að lýsa ákveðinni þéttingu eða hreinsun sem varð í tilraunaglösum þeirra. Sumir segja að það hafi ekki bara verið gullmálmur sem þeir sóttust eftir heldur hafi smátt og smátt runnið saman fyrir þeim leitin að gullgerðarformúlunni og löngunin til að skilja sinn innri mann þangað til á endanum að efnið var orðið það sama og andinn, gull hið sama og sálarfriður. -------------------------------------------------------------------------------------------------- Efst á síðu Verk fyrir selló   Dans Í þessu verki eru 9 kaflar og er fyrsti kaflinn lang lengstur, - síðustu 8 kaflarnir (2.-9.) eru örstutt brot. Við flutning verksins byrjar sellistinn á að spila 1. kafla en ekki er nauðsynlegt að spila alla litlu kaflana, flytjandinn ræður hversu marga þeirra hann spilar og í hvaða röð. Dæmi: 1.-5.-6.-8.-7.-9. Verkið var samið 1981/1982 og er tileinkað Noru Kornblueh sem frumflutti það í Amsterdam 1982. Lovísa Ósk Gunnarsdóttur (dansari) og Sigurður Halldórsson (sellóleikari) hafa samið dansverk (Vision fyrir dansara og sellóleikara) sem byggir á tónverkinu Dans fyrir selló. Lovísa og Sigurður fluttu verk sitt í Borgarleikhúsinu árið 2003. Stefanía Adolfsdóttir hannaði búninga og Kári Gíslason annaðist lýsingu. Dans - á nótum (pdf) -------------------------------------------------------------------------------------------------- Efst á síðu Verk fyrir flautu Partíta Þetta verk var samið árið 1997 og endurskoðað lítillega árið 2003. Það er tileinkað Martial Nardeau sem frumflutti það 25.apríl 1998 í Norræna Húsinu. Verkið er í 10 köflum sem leiknir eru án hlés. Nafn Martials myndar 6 tóna hljóm og verkið er að miklu leyti byggt á þessum hljómi (M(i)-a-r(e)-ti-(f)a-l(a bémol)). - Verkið tekur u.þ.b. 11 mín. í flutningi. Partíta - á nótum (pdf) ------------------------------------------------------------------------------------------------- Verk fyrir gítar Tvær gítarfantasíur voru samdar sumarið 2003 og tileinkaðar Pétri Jónassyni sem frumflutti þær á Myrkum músíkdögum 9. febrúar 2004 í Listasafni Íslands. Verkið er hugsað sem ein heild en það má líka flytja fantasíurnar hvora í sínu lagi. Tvær gítarfantasíur - á nótum (pdf). --------------------------------------------------------------------------------------------------
Upphafssíða Efst á síðu