|
-----------------------------------------------------
-
Konsert fyrir kontrabassa og kammersveit
er
tileinkaður Hávarði Tryggvasyni
kontrabassaleikara. Það er samið fyrir hann og
CAPUT-hópinn.
Konsertinn er í 12 köflum. Fyrstu kaflarnir
standa einir og sér en þegar líður
á verkið dregur úr
sjálfstæðinu og seinni hluti verksins er
leikinn í samfellu, - án hlés milli
kafla. Verkið var frumflutt 5.maí 2010.
Flytjendur voru Hávarður Tryggvason og
CAPUT-hópurinn. Höfundur
stjórnaði.
Konsert
fyrir kontrabassa og kammersveit á nótum
(pdf-skjal)
-------------------------------------------------------
The Drift of Melancholy
var samið
árið 2006 fyrir The New Juilliard Ensemble
í New York að beiðni Joels Sachs
stjórnanda hópsins. Verkið var
endurskoðað lítillega árið 2008.
Þegar ég byrjaði að hugsa um hvernig
best væri að bregðast við beiðni Sachs
um tónverk komu ljóð bandarísku
skáldkonunnar Mary Jo Salter fljótlega upp
í hugann. Hún bjó hér á
landi um nokkurt skeið seint á níunda
áratug síðustu aldar ásamt
fjölskyldu sinni og þá kynntist ég
ljóðum hennar. Hljómurinn í
þeim er mjög aðlaðandi og þau eru
myndrík svo það liggur beint við að
setja tóna við þau og það dreymdi
mig um að gera. Þegar tækifæri gafst
til að semja fyrir unga flytjendur í New York var
kjörið að láta drauminn rætast.
Ljóðin sem ég valdi eru ólík
að gerð og innihaldi en í mínum huga
tengjast þau hvert öðru á svipaðan
hátt og vorið tengist sumrinu og sumarið
haustinu.
The Drift of Melancholy er tileinkað Joel Sachs og
The New Juilliard Ensemble. S.S.B.
Frumflutningur: The New Juilliard Ensemble
(stjórnandi: Joel Sachs, sópran: Charlotte
Dobbs) Alice Tully Hall, New York, 20.apríl,
2007.
The
Drift of Melancholy á nótum -
pdf-skjal
-----------------------------------------------------
Þáttur
fyrir
málmblásarasveit og slagverk var saminn
árið 1978 í Amsterdam og er
tileinkaður Hákoni Snorra van Gelder. Verkið
er í einum þætti og tekur u.þ.b. 9
mínútur í flutningi. Verkið var
frumflutt í Osló undir stjórn Per Lyng
og skömmu síðar var það flutt
á UNM-hátíð í
Stokkhólmi undir stjórn Leif
Segerstam.
----------------------------------------------------
Hymni
fyrir
strengjasveit var saminn árið 1982 fyrir
Nýju Strengjasveitina og frumfluttur undir
stjórn höfundar á tónleikum
í Bústaðakirkju. Verkið samanstendur
af 11 köflum sem allir eru í
mixólýdískri tóntegund,
mjög stuttir og hægir. Höfundur hefur
búið til ýmsar útgáfur af
verkinu fyrir ýmis hljóðfæri.
Þær helstu eru:
1) fyrir nemendahljómsveit: fiðlur (I og II) og
selló (I og II)
2) fyrir 2 víólur, selló og bassa
3) fyrir 2 klarinett, fiðlu og selló
4) fyrir píanó (Hymni
fyrir píanó á nótum -
pdf)
5) fyrir 4 selló (eða fjögurra radda
sellósveit)
Útgáfan
fyrir nemendahljómsveit er styttri en hinar, 6 kaflar
í stað 11.
----------------------------------------------------
Í
segulsviði
fyrir flautu,
klarínett (í B), fiðlu,
víólu, selló, marimbu og
píanó var samið árið 1996
að beiðni NOMUS fyrir AVANTI!, Caput, BIT 20,
Composers Ensemble, Sonanza og Storströms
Kammerensemble í tengslum við The Nordic Music
Season in the UK 1995-1997.
Höfundur
segir um verkið:
"Verkið er
í einum kafla en sett saman úr nokkrum
sjálfstæðum formhlutum. Lagrænt efni
einkennir einn hlutann, ritmískt efni annan, sumt er
glaðvært annað íhugult og þannig
mætti áfram telja en markmiðið er
að láta hina mismunandi formhluta vinna saman
þótt ólíkir séu eins og
þeir tilheyri einu og sama
segulsviðinu."
Caput, undir
stjórn Guðmundar Óla Gunnarssonar,
frumflutti verkið í Listasafni Íslands
11.2.1997.
----------------------------------------------------------
Fegurð
veraldar mun
hverfa
fyrir
sópran, klarínett, 2 víólur,
selló, bassa og slagverk (1).
Sjá
nánar: Söngverk
-------------------------------------------------------------------
Vögguvísa
Snorra Þorfinnssonar
er samið fyrir sveit nemenda í sellóleik
(eða 3 selló). Í Grænlendinga
sögu segir að Guðríður
Þorbjarnardóttir og Þorfinnur karlsefni
hafi eignast soninn Snorra á Vínlandi.
Næstum 1000 árum síðar, í
nóvember árið 2000, fóru nokkrir
þáverandi og fyrrverandi selló-nemendur
úr Suzukitónlistarskólanum í
Reykjavík í ferð til Boston og léku
m.a. þessa "Vögguvísu Snorra
Þorfinnssonar".
Vögguvísa
Snorra Þorfinnssonar á nótum
(pdf-raddskrá).
Caputkonsert nr.
1
fyrir flautu,
óbó, klarínett í B, fagott, horn
í F, trompet í C, básúnu,
slagverk (1)*, píanó og strengi (2-1-1-1) var
saminn samkvæmt beiðni CAPUT-hópsins
með tilstyrk frá Reykjavík -
meningarborg árið 2000. Caput frumflutti
verkið í Langholtskirkju 11.nóv. 2000
undir stjórn Guðmundar Óla Gunnarssonar.
Verkið er
í einum þætti og tekur u.þ.b. 20
mínútur í flutningi. Það var
endurskoðað árið 2002 og flutti CAPUT
undir stjórn Guðmundar Óla nýja
gerð verksins í Berlín 1.12.2002 á
Norrænum músíkdögum
("Magma").
*Slagverkshljóðfæri: Wind gong (L), 3
Peking gong (H,M,L), sérlega lítill cymball
(susp.), víbrafónn, marimba, sizzle-cymball,
darabuka, bassatromma (með fótpedal), brake drum,
stór kúabjalla (óviss tónn), 2
gong ("tuned").
Caputkonsert
nr. 1 - allt verkið á nótum
(pdf)
---------------------------------------------------------------------
Caputkonsert nr.
2
fyrir flautu,
óbó, klarínett í B, fagott,
trompet í C, básúnu,
píanó, strengi (2-1-1-1) og þrjá
slagverks-sólista**. Verkið er samið fyrir og
tileinkað meðlimum slagverkshópsins
Bendu, þeim Eggerti Pálssyni,
Pétri Grétarssyni og Steef van Oosterhout.
Þættir verksins eru fjórir:
1. Forspil
2. Hugleiðsla
3. Vikivaki
4. Eftirspil.
Tveir þessara þátta (nr. 1 og 4) eru
einnig hluti af öðru verki sem nefnist
Þrír
þættir úr
Bendukonsert. Forspil er
fyrir slagverk eingöngu, Eftirspil eru fyrir
slagverk og píanó en Hugleiðsla og
Vikivaki eru fyrir kammersveit og slagverk.
Þriðji kaflinn, Vikivaki, byggir á
þjóðlagi sem nefnist
Þorkelsdætra kvæði.
Caputkonsert
nr. 2 tekur u.þ.b. 22 mínútur
í flutningi.
**Slagverkshljóðfæri:
Perc. 1:
Talking Drum,
-Vibraphone 1 (without motor), - Crotales 1 (skrifað: f
', ges' , f " , ges"
), -
2 African Tom-toms (H, L), - Pair of Finger Cymbals
(suspended), - 2 Suspended Cymbals.
Perc. 2:
Bodhrán, -
Vibraphone 2, - Crotales 2 (skrifað: cís' , d' ,
cís" , d" , es" ), - 2 Low Dobachi, - Wood Block, - 2
pairs of Bongos (1st set: high pitch, 2nd set: low pitch), -
Large suspended Chinese Hand Cymbal - (shared with Perc.3).
Perc.
3:
Darabouka, -
Marimba, - A pair of large Chinese Hand Cymbals (with very
big dome), one cymbal is shared with Perc.2, - Junior Conga,
- Conga, - 2 Boobams (ML, L).
Caputkonsert
nr. 2 - allt verkið á nótum
(pdf).
----------------------------------------------------------------------------------------
Píanókonsert
nr.2
fyrir einleikspíanó og kammersveit var saminn
árið 2005 að tilstuðlan
Tónskáldasjóðs RÚV
fyrir CAPUT og Víking Heiðar Ólafsson
píanóleikara.
Verkið er í þremur köflum og tekur 25
mínútur í flutningi.
Hljóðfæraskipan
er sem hér segir: 1-1-1-1, 1-1-1-0, Slagverk (2
spilarar)*, harpa, einleikspíanó, 2
fiðlur, víóla, selló og
kontrabassi.
*Slagverkshljóðfæri:
* Perc. 1:
Glockenspiel, Marimba, Suspended Cymbal,
Bongos, 2 Timbales (h,l), Temple Blocks
*Perc. 2:
5 Tom-toms (h, mh, m, ml, l), Woodblock,
Machine Castanets, Vibraphone
Verkið er
tileinkað Víkingi Heiðari Ólafssyni
píanóleikara.
Píanókonsert
nr. 2 - raddskrá
(pdf)
Píanókonsert
nr. 2 á Youtube.
------------------------------------------------------------------------------------------
Lilja
Sumarið 2004 var
haldið sellónámskeið í
Gambrils sem er lítill bær rétt
sunnan við Barcelona. Nokkrir íslenskir
sellónemendur tóku þótt í
námskeiðinu ásamt þarlendum
nemendum. Einn af kennurum námskeiðsins, Richard
Talkowsky, bað mig um að útsetja
Lilju-lagið fyrir hópinn, sem ég
gerði, og var útsetningin frumflutt í
nágrenni Gambrils í lok
námskeiðsins.
Lilja -
raddskrá (pdf)
------------------------------------------------------------------------------------------
Stúlkan
í turninum
Þetta
verk sem er fyrir kammersveit* og sögumann, var
samið árið 2004 að beiðni
Sinfóníuhljómsveitar
Norðurlands. Það er hugsað til
flutnings í grunnskólum. Sögumaður
les sögu Jónasar Hallgrímssonar,
Stúlkan í turninum, og
hljóðfæraleikararnir "dramatísera"
söguna. Verkið sem er 22 mínútur
að lengd var frumflutt á
fjölskyldutónleikum
Sinfóníuhljómsveitar Norðurlands
í Samkomuhúsinu á Akureyri
17.apríl 2005. Stjórnandi var Guðmudur
Óli Gunnarsson og sögumaður var Skúli
Gautason. Haustið 2005 flutti S.N. verkið tuttugu og
átta sinnum í grunnskólum á
Norðurlandi. Höfundur var sögumaður
í öll skiptin. Þetta verk hefur nú
verið gefið út á geisladiski
(STB
002).
*Hljóðfæraskipan: 1-1-1-1, 1-1-1-0,
píanó, slagverk (1), strengjakvartett
------------------------------------------------------------------------------------------
Efst
á síðu
|